चरिकोट।आँकुरा इङलिस माध्यमिक बाेर्डिङ स्कुलका कक्षा ५ मा अध्ययनरत १२ वर्षीय बालकलाई प्रिन्सिपलले निर्घात कुटेका छन् । प्रिन्सिपलले कुटेर बालककाे दुवै तिघ्रामा निलडाम भएर बस्नै नसक्ने अवस्थामा छ ।

बैतेश्वर गाउँपालिका वडा नं ३ खानीगाउँका जितबहादुर राउतका १२ वर्षीय छाेरा रञ्जित राउतलाई साेमबार दिउँसो खेल्दा सामान्य कुरामा प्रिन्सिपल अजितकुमार चाैधरीले आफ्नै कार्यकक्षमा लगेर निर्घात कुटपिट गरेका हुन् । दिउँसो स्कुलमा तीज विशेष कार्यक्रम थियाे । कार्यक्रमका बीचमा रञ्जित सहितका विद्यार्थीहरू खेल्दै थिए । खेल्दा प्रिन्सिपलकाे छारीलाई सानाे ढुङ्गा उछिटिएर लाग्याे । त्यसैकाे निहुँमा आफूलाई कुटेको राउतले बताए । दिउँसो कुटपिटपछि साँझ ५ बजेतिर रञ्जित घर पुगे । राउतकाे परिवार तामाकोसी बजारमा सामान्य फलफूल बेचेर परिवार पाल्दै आएको छ । ´घर पुगेर छाेराेले बेलुका खाना नखाई मसँगै सुत्याे´ रञ्जितका बुबा जितबहादुरले भने ´रातभर छट्पटी भएर सुतेन के भयाे भनेर हेर्दा खुट्टा र घाँटीमा निलडाम रहेछ ।` छाेाराेकाे निलडाम देखेपछि विहानै चरिकोट च्छाेराेल्पा अस्पतालमा लगेर जचाएका छन् ।

स्वास्थ्य जाँच गर्दा रगत जमेको र मासु फाटेकाे रिपोर्ट आएको छ ।