पालिका अध्यक्ष शिवाकोटीले प्रस्ताव गरेको गाउँपालिका केन्द्र दुइ तिहाइ मतले पारीत

राजन बस्नेत

दोलखा २२ साउन । दोलखाको कालिञ्चोक गाउँपालिकाको केन्द्र कुभिण्डेमा रहनेगरी अध्यक्ष अर्जुन प्रसाद सिवाकोटीले राख्नुभएको प्रस्ताव दुइ तिहाइ मतले पारीत भयको छ ।

सभामा अध्यक्ष शिवाकोटीले गाउँपालिकाको केन्द्र कुभिन्डेमा राख्ने प्रस्ताव सभाको दुई तिहाईले पारित गरेको घोषणा गर्नुभएको हो ।

गाउँपालिकाको सोमवार बसेको १२ औं गाउँसभाले वडा नम्बर ४ अन्तर्गत पर्ने दोलखा–सिंगटी सडकसँग जोडिएको कुभिण्डेमा राख्ने निर्णय दुइतिहाइ मतले पारित गरेको उपाध्यक्ष कुल बहादुर बुढाथोकीले जानकारी दिनुभएको ।

पालिका अध्यक्ष अर्जुन प्रसाद शिवाकोटीले गाउँसभामा निर्णयार्थ पेश गरेको प्रस्तावको पक्षमा अध्यक्षसहित ३२ र विपक्षमा ९ जनाले मतदान गरेको उपाध्यक्ष बुढाथोकीले साझा दृष्टि अनलाइनलाई जानकारी दिनुभयो ।

कालिञ्चोक गाउँपालिकाको स्थायी केन्द्रबारे विगत लामो समयदेखि बिवाद हुँदै आएको थियो । अघिल्लो कार्यकालमा वडा नम्बर ५ स्थित बन्देथलीमा केन्द्र लैजाने भन्दै सर्बसाधरणको नीजि जग्गा गाउँपालिकाको स्वामित्वमा समेत ल्याईएको कालिन्चोक गाउँपालिका ६ वडा अध्यक्ष भरत पाण्डेले बताउनुभयो ।

गाउँपालिकाको कामकाज हाल सुनखानी स्थित अस्थायी कार्यालयबाट संचालन हुँदै आएको छ ।