नेपाली कांग्रेस दोलखा जिल्ला सम्मेलनको तयारी पुरा : सम्मेलनलाई काङ्ग्रेस सह-महामन्त्री पाण्डेले सम्बोधन गर्ने

राजन बस्नेत

दोलखा २७ जेष्ठ । नेपाली कांग्रेस दोलखाको जिल्ला सम्मेलन तयारी अन्तिम चरणमा पुगेको छ ।
नेपाली काङ्ग्रेस केन्द्रीय कार्य समितिको निर्देशन र नेपाली काङ्ग्रेस दोलखाको निर्णय अनुसार नेपाली कांग्रेस दोलखाले भोलि २८ गते जिल्ला सम्मेलन गर्ने भए सगै सो सम्मेलनमा नेपाली कांग्रेसका केन्द्रिय सह-महामन्त्री तथा माननीय बद्री पाण्डेले उद्घाटन गर्ने र नेपाली काङ्ग्रेसका प्रदेश सभापति इन्द्र बानियाँ लगायत केन्द्रिय सदस्यहरुले समेत सम्बोधन गर्ने कार्यक्रम तय भएको नेपाली कांग्रेस दोलखाका पार्टी सभापति बर्मा लामाले जानकारी दिनुभयो ।
सम्मेलनमा सांगठानिक प्रतिवेदन,आर्थिक प्रतिवेदन, वार्षिक नीति तथा कार्यक्रमको प्रस्तुतीकरण र विगतको समीक्षा साथै आगामी कार्ययोजना प्रस्तुत गरिने सभापति लामाले बताउनुभयो ।
सभापति लामाले सम्मेलनमा दोलखाबाट प्रतिनिधित्व गर्नुहुने केन्द्रीय सदस्यहरु, बागमती प्रदेश सदस्यहरु,जिल्ला कार्यसमिति पदाधिकारी तथा सदस्यहरु,महाधिवेशन प्रतिनिधिहरु,आमन्त्रित सदस्य हरु,प्रदेश समिति पदाधिकारी तथा सदस्यहरु, बागमती प्रदेश अधिबेशन प्रतिनिधिहरु, नगर/गाउँपालिका पदाधिकारी तथा सदस्य हरु,वडा पालिका पदाधिकारी तथा सदस्यहरु, सम्पूर्ण क्षेत्रीय प्रतिनिधिहरु, दोलखा काठमाडौ सम्पर्क समिति तथा वडा सम्पर्क समितिका पदाधिकारी तथा सदस्यहरु र भातृ तथा शुभेच्छुक संस्थाहरुको पदाधिकारी तथा सदस्यहरु सबैलाई अनिवार्य उपस्थितिको लागि समेत आमन्त्रण गर्नुभएको छ ।

कांग्रेस दोलखाले पार्टीलाई प्रभावकारी रुपमा गाउँ गाउँमा पुर्‍याउन र जिल्लामा सबैतिर देखिने, सुनिने र जनताले समेत अनुभूति गर्ने कांग्रेस बनाउन सामाजिक र सिर्जनात्मक क्रियाकलापहरु निरन्तर रूपमा अगाडि बढाउन,चुस्त, दुरुस्त र तन्दुरुस्त संगठन बनाउने कामलाई अभियानको रुपमा अघि बढाउन पार्टी पंक्ति लागिपरेको दोलखा काङ्ग्रेसले जानकारी दिएको छ ।