नेपाली काङ्ग्रेसको जिरी नगर सम्मेलन सभ्य र भब्य रूपमा सम्पन्न

दोलखा १९ जेष्ठ । नेपाली काङ्ग्रेस केन्द्रीय कार्य समितिको निर्देशन र नेपाली काङ्ग्रेस दोलखाको निर्णय तथा परीपत्र अनुसार ९ वटै वडाहरुको वडा सम्मेलन गरी जिरी नगरपालिकाको नगर सम्मेलन सम्पन्न भएको छ ।
नगर सम्मेलनलाई सम्बोधन गर्दै कार्यक्रमका प्रमुख अतिथि नेपाली काङ्ग्रेस दोलखाका पार्टी सभापति बर्मा लामाले सत्ताका लागि जायज–नाजायज सम्झौता, विचारविहीन गठबन्धन, जनताका आधारभूत आवश्यकतासँग बेखबर, भ्रष्टाचार नियन्त्रण र सुशासनको सवालमा सुस्त, नैतिकतापूर्ण राजनीतिको खडेरी, युवाको भविष्यप्रति बेवास्ता तथा जनताको आवाजको अपमान गरी पार्टीलाई केवल सत्ता, शक्ति र स्वार्थ प्राप्तिको भर्‍याङ मात्रै ठान्ने हो भने कांग्रेसको भविष्य के होला ? तेसैले काङ्ग्रेस एक गुट उपगुट छोडेर एक ढिक्का भएर अगाडि बढ्नुपर्नेमा जोड दिनुभयो ।

नेपाली काङ्ग्रेसका बागमती प्रदेश सदस्यका प्रत्यासी तथा अभियान संयोजक सुदर्शन कार्कीले काङ्ग्रेसले तय गरेको रुपान्तरण अभियानमार्फत देशैभरि गाउँगाउँ र टोलटोलसम्म पुगेर आम पार्टीका नेता, समर्थक, शुभेच्छुक, सर्वसाधारण, बुद्धिजीवी र आमनागरिकको सल्लाह सुझाबलाई सुनेर अब कसरी अगाडि बढ्ने ?भन्ने योजना बनाएर अघि बढ्नुपर्ने धारणा व्यक्त गरे ।
तेसैगरी नेपाली काङ्ग्रेस दोलखाका पार्टी प्रबक्ता राकेश श्रेष्ठले काङ्ग्रेसले आगामी रणनीति के लिने ? परम्परावादी र यथास्थितिमा रुमल्लिने कि रुपान्तरणको यात्रा तय गर्ने ? व्यक्ति होइन विचार, पद होइन पद्धति, सत्ता होइन समाज, नेता होइन नीतिको मूल मर्म र आदर्शमा आधारित नैतिक मूल्य–मान्यतासहितको राजनीति सुरुवात गर्न कांग्रेसले ढिलो गर्न नहुने प्रष्ट पारे ।

नेपाली काङ्ग्रेस जिरी नगरपालिका कार्यसमिति अध्यक्ष सोनाम सेर्पाले रुपान्तरण अभियानमार्फत कांग्रेसलाई ऊर्जाशील, गतिशील, क्रियाशील, सबल, सुदृढ, सशक्त र बलियो बनाउदै यस अभियानमार्फत पार्टीमा नयाँ आशा, समर्थकमा नयाँ भरोसा र आमनागरिकमा नयाँ विश्वास जगाउनु नै मुख्य उद्देश्य रहेको बताउनुभयो ।
कार्यक्रममा नेपाली काङ्ग्रेसका नेत्री महादिबेश प्रतिनिधि तारा थपलिया,भीमेश्वर नगर सभापति सङ्कर कार्की, काङ्ग्रेस नेता लाक्पा शेर्पा , सन्जु शेर्पा , मकर तामाङ ,लिला जिरेल लगायत ९ वटै वडाका वडा संयोजकहरुले आफ्नो प्रतिबेदन मार्फत वडाको पार्टी संगठन र काङ्ग्रेसको भातृ,भगिनि तथा सुबेछुक सस्थाहरुको अबस्था र बिकास निर्माणको कार्यहरुको बारेमा जानकारी गराएका थिए ।
कार्यक्रम नेपाली काङ्ग्रेस जिरी नगरपालिका सभापति सोनाम शेर्पाको सभापतित्वमा र नेपाली काङ्ग्रेसको नेता तथा कार्यकर्ताहरुको बाक्लो उपस्थितिमा सम्पन्न भएको थियो ।