नेपाली काङ्ग्रेसको भीमेश्वर नगर सम्मेलन सभ्य र भब्य रूपमा सम्पन्न
साझा दृष्टि संवाददाता
mde
साझा दृष्टि संवाददाता
दोलखा १८ जेष्ठ । नेपाली काङ्ग्रेस केन्द्रीय कार्य समितिको निर्देशन र नेपाली काङ्ग्रेस दोलखाको निर्णय तथा परीपत्र अनुसार ९ वटै वडाहरुको वडा सम्मेलन गरी भीमेश्वर नगरपालिकाको नगर सम्मेलन सम्पन्न भएको छ ।
नगर सम्मेलनलाई सम्बोधन गर्दै कार्यक्रमका प्रमुख अतिथि नेपाली काङ्ग्रेसका केन्द्रिय सदस्य एबम युवा नेता अजय बाबू सिवाकोटीले नाम मात्रको नीति महाधिवेशन गर्ने कि साँच्चै परिवर्तनका लागि विशेष महाधिवेशनमा जाने भन्ने विषयमा कांग्रेसभित्र गम्भीर मन्थन हुनु जरुरी रहेको बताएका छन् ।
उहाँले मुहान सफा भए मात्र धारामा सफा पानीको अपेक्षा गर्न सकिने भन्दै नेपाली काङ्ग्रेस केन्द्रिय नेतृत्व सच्चीएर अगाडि बढ्नुपर्नेमा विशेष जोड दिनुभयो ।
नेपाली काङ्ग्रेसका बागमती प्रदेश सदस्य प्रभुराम श्रेष्ठले काङ्ग्रेसले तय गरेको रुपान्तरण अभियानमार्फत देशैभरि गाउँगाउँ र टोलटोलसम्म पुगेर आम पार्टीका नेता, समर्थक, शुभेच्छुक, सर्वसाधारण, बुद्धिजीवी र आमनागरिकको सल्लाह सुझाबलाई सुनेर अब कसरी अगाडि बढ्ने ?भन्ने योजना बनाएर अघि बढ्नुपर्ने धारणा व्यक्त गरे ।
तेसैगरी काङ्ग्रेस नेता दामोदर कार्कीले काङ्ग्रेसले आगामी रणनीति के लिने ? परम्परावादी र यथास्थितिमा रुमल्लिने कि रुपान्तरणको यात्रा तय गर्ने ? व्यक्ति होइन विचार, पद होइन पद्धति, सत्ता होइन समाज, नेता होइन नीतिको मूल मर्म र आदर्शमा आधारित नैतिक मूल्य–मान्यतासहितको राजनीति सुरुवात गर्न कांग्रेसले ढिलो गर्न नहुने प्रष्ट पारे ।
नेपाली काङ्ग्रेस दोलखाका पार्टी प्रबक्ता तथा अभियानका
संयोजक राकेश श्रेष्ठले यो रुपान्तरण अभियानमार्फत कांग्रेसलाई ऊर्जाशील, गतिशील, क्रियाशील, सबल, सुदृढ, सशक्त र बलियो बनाउदै यस अभियानमार्फत पार्टीमा नयाँ आशा, समर्थकमा नयाँ भरोसा र आमनागरिकमा नयाँ विश्वास जगाउनु नै मुख्य उद्देश्य रहेको प्रष्ट पार्नु भयो ।
कार्यक्रममा नेपाली काङ्ग्रेसका नेता बाबुकाजी बस्नेत,रामजी प्रसाद चौलागाईं ,मेनुका चौलागाईं ,जगत श्रेष्ठ नेपाल विद्यार्थी संघ दोलखाका अध्यक्ष सौगात थापा, विद्यार्थी नेता सम्राट मानन्धर लगायत ९ वटै वडाका वडा संयोजकहरुले आफ्नो प्रतिबेदन मार्फत वडाको पार्टी संगठन र काङ्ग्रेसको भातृ,भगिनि तथा सुबेछुक सस्थाहरुको अबस्था र बिकास निर्माणको कार्यहरुको बारेमा जानकारी गराएका थिए ।
कार्यक्रम नेपाली काङ्ग्रेस भीमेश्वर नगरका सभापति सङ्कर कार्कीको सभापतित्वमा सम्पन्न भएको थियो ।
बागमती प्रदेश सदस्य चौलागाईले गरे रास्वपा परित्यागको घोषणा
राजन बस्नेतलाइफ इन्स्योरेन्स अभीयानता एबम व्यवसायी हरि लाल चौलागाईले राष्ट्रिय स्वतन्त्र पार्टी (रास्वपा) परित्याग गर्ने घोषणा गरेसँगै नयाँ दलको आन्तरिक...
दोलखामा जेठाजुको प्रहारबाट बुहारीको मृत्यु : आरोपी खुकुरीसहित पक्राउ
साझा दृष्टि संवाददातादोलखा । दोलखाको कालिन्चोक गाउँपालिका–५ बन्देथलीमा सामान्य वादविवादको क्रममा जेठाजुको प्रहारबाट बुहारीको मृत्यु भएको छ। शनिबार अपराह्न ४ बजे...
रामेछाप बस दुर्घटना : मृतकको संख्या ९ पुग्यो, गोताखोरको टोलीद्वारा खोजी जारी
साझा दृष्टि संवाददाताबस खसेको स्थानमा खोजी गर्दा अहिले थप ३ वटा शव फेला परेको हो । यो सँगै मृतकको संख्या ९...
निर्वाचन आयोगले भन्यो– गगन थापा नेतृत्वको नेपाली कांग्रेस नै आधिकारिक
साझा दृष्टि संवाददातानिर्वाचन आयोगले नेपाली कांग्रेसको दोस्रो विशेष महाधिवेशनबाट निर्वाचित सभापति गगन थापा नेतृत्वको केन्द्रीय कार्यसमितिलाई आधिकारिकता दिने निर्णय गरेको छ।...
५१ जिल्ला सभापति देउवातिर, २३ गगनतिर, तीन तटस्थ
साझा दृष्टि संवाददाताकांग्रेस विभाजनपछि कानुनी उल्झन सुरु भएका वेला ७७ मध्ये ५१ जिल्ला सभापति शेरबहादुर देउवातिर खुलेका छन् । विशेष महाधिवेशनबाट सभापति...
कांग्रेस विशेष महाधिवेशनमा गगन थापाको सम्बोधन [पूर्णपाठ]
साझा दृष्टि संवाददाताजेन–जीहरूले मात्र होइन, नेपालका लाखौँ लाख नरनारीहरूले सडकमा आएर घरमा बसेर रिस पोखेका हुन्, आक्रोश व्यक्त गरेका हुन्, आफ्नो...