म्याद थप भएको समयभित्रै नयाँ संसद भवनको बाँकी काम पूरा गर्न उपप्रधानमन्त्री सिंहको निर्देशन

काठमाडौं । उपप्रधानमन्त्री एवं शहरी विकासमन्त्री प्रकाशमान सिंहले म्याद थप भएको समयभित्रै नयाँ संसद् भवनको बाँकी काम पूरा गर्न निर्माण कम्पनीलाई निर्देशन दिनुभएको छ ।

मंगलबार सिंहदरबारमा बसेको निर्माण ठेकेदारहरूसँगको छलफलका क्रममा उहाँले यस्तो निर्देशन दिनुभएको हो । उहाँले संसद् भवन बनाउन धेरै समय लागिसकेको भन्दै अहिले पनि समयमै सकिने हो कि होइन भन्ने प्रश्न उठिरहेको बताउनु भयो ।

उहाँले अहिले हात्ती छिर्यो पुच्छर अड्कियो जस्तो भएको उल्लेख गर्दै म्याद थप भएको समयमै र वर्किङ क्यालेण्डरअनुसार वर्किङ क्यापासिटी बढाएर काम गर्न निर्देशन दिनुभयो । सम्झौताको आधारमा बसेर काम गर्न उहाँको निर्देशन छ ।

उपप्रधानमन्त्री सिंहले मन्त्रालय, निर्माण कम्पनीले गर्नुपर्ने काम समूहगत रुपमा बाँकी समयमै सम्पन्न गर्नेतर्फ लाग्नुपर्ने बताउनु भयो । मन्त्रालयलाई संसद् भवनको काम जस्तै त होला नि भनेर दाँज्न थालिएको उहाँले बताउनु भयो ।