दोलखामा लम्पिबाट ३५ हजार बढी पशुहरू संक्रमित,७ सय बढी पशुको मृत्यु

राजन बस्नेत
दोलखा २४ साउन । दोलखामा ७ सय भन्दा बढि पशुहरु लम्पि स्किन रोगका कारण मरेका छन ।
गत जेठ बाट माहामारीको रुपमा फैलिएको लम्पि स्किन रोगका कारण हालसम्म जिल्लाभर ७ सय ४० वटा पशुहरु मरेका हुन् । जसमा जिल्लाको विगु गाउँपालिकामा १ सय ९७, मेलुङ गाउँपालिकामा १ सय ११ र कालिन्चोक गाउँपालिकामा १ सय ६ वटा पशुहरु मरेका छन । त्यसैगरी दोलखाको गौरीशंकर गाउँपालिकामा ६९ वटा,शैलुङ गाउँपालिकामा ३८ वटा , भिमेश्वर नगरपालिकामा ५६ वटा,तामाकोशी गाउँपालिकामा ६९ वटा,जिरी नगरपालिकामा ३० वटा र बैतेश्वर गाउँपालिकामा ६४ वटा पशुहरु मरेको भेटेरिनरी अस्पताल तथा पशु सेवा विज्ञ केन्द्र दोलखाका निमित्त कार्यालय प्रमुख पलट चौधरीले जानकारी दिनुभयो ।‌

त्यस्तै जिल्लामा हालसम्म ३५ हजार ९ सय ३ वटा पशु्हरु संक्रमित रहेका छन । जसमा गाई १४ हजार ९ सय १८ वटा ,गोरु १४ हजार ९ सय १४ वटा ,भैसी ७ वटा र बाच्छाबाच्छी पाडा पाडि ५ हजार १ सय ७० वटा संक्रमित भएको चौधरीले बताउनुभयो ।