पहिरोमा परी गम्भीर घाइते भएका टोपटारका बिरामीको सरकारले निःशुल्क उपचार गर्ने

राजकुमार भुजेल (निर)

दोलखा २२ साउन । नेपाल सरकारको गृह मन्त्रालयले गत १८ गते राति दोलखाको गौरीशंकर गाउँपालिका वडा नम्बर ७ मा गएको पहिरोमा परि घाइते भएका १ जनाको निशुल्क उपचारको व्यवस्था मिलाउने भएको छ ।

गृह मन्त्रालयले सोमबार एक सुचना जारी गर्दै १८ गते राति गौरीशंकर गाउँपालिका वडा नम्बर ७ टोपाटारमा गएको पहिरोका कारण घाइते भएका ४० बर्षिय यग्य बहादुर थामिको निशुल्क उपचारको व्यवस्था मिलाउने भएको हो ।

अल्पशंख्यक,थामि समुदाय,आदिबासी जनजाति,विपन्न परीवारका व्यक्तिहरु भएकोले निशुल्क उपचारको व्यवस्था मिलाउन जिल्ला प्रशासन कार्यालय दोलखाको उक्त पत्रबाट अनुरोध आएकोले थामिको उपचारमा नियमाअनुसार निशुल्क रुपमा उपचार गराउन गृह मन्त्रालयले आग्रह गरेको हो ।
उक्त पहिरोमा परी यज्ञ बहादुर थामी उनकी श्रीमती धनकुमारी थामी र बुहारी सिता थामी घाइते भएका थिए भने ४ जना बेपत्ता भएका मध्य २ जनाको शव फेला परेको थियो ।