दोलखा टोपाटारको पहिरोमा परि २ जनाको मृत्यु,२ जना अझै बेपत्ता

राजकुमार भुजेल (निर)

दोलखा २१ साउन। दोलखाको गौरीशंकर गाउँपालिका–७ मार्वुको टोपाटारमा पहिरोमा पुरिएर २ जनाको मृत्यु भएको छ भने २ जना बेपत्ता भएका छन्।
गत बिहीबार राति अबिरल बर्षा सँगै आएको पहिरोमा परी उनिहरुको मृत्यु भएको हो। शुक्रबार बिहान टोपबहादुर थामीको १५ महिने बालक प्रिन्स थामीको शव सहित देवि माया मगरको शव फेला परेको दोलखा प्रहरीले जनाएको छ । बेपत्ता भएका थप २ जनाको भने शुक्रबार देखि नै खोजी कार्य भैइहेको छ । बेपत्ता हुनेमा कृष्ण मगर र हरिलाल श्रेष्ठ रहेका छन । उनीहरूको हाल नेपाली सेना,जनपद,सशस्त्र प्रहरीको टोलीले खोजी गरिरहेको छ । पहिरोमा परी तीन जना गम्भीर घाईते भएका छन । स्थानीय यज्ञ थामी, उनकी श्रीमती धनकुमारी थामी र बुहारी सिता थामी गम्भीर घाईते भएका हुन् । उनीहरुलाई शुक्रबार दिउँसो हेलिकप्टरबाट मार्फत उद्धारा गरी २ जनाको काठमाण्डौको केएमसी अस्पतालमा उपचार भैरहेको छ । त्यस्तै वडा नम्बर ७ र ८ मा ३२ वटा भन्दा बढी घरमा क्षति गरेको छ । पहिरोले विद्युतका पोलहरू बगाएको छ भने ग्रामीण सडक अवरुद्ध भएको छ । वडा नं ८ खारेको सल्लेमा २ घर पहिरोले पुरेको छ भने २० भन्दा बढी घर पहिरोको जोखिममा भएपछि स्थानीयले घर छोडेका छन ।