गौरीशंकर गाउँपालिका- ७ मार्बुका पहिरो पीडित परिवारलाई एसएस फाउन्डेशनको आर्थिक सहयोग

इश्वर बिश्वकर्मा
दोलखा २१ साउन ।दोलखाको गौरीशंकर गाउँपालिका- ७ मार्बुका पहिरो पीडित परिवारलाई आर्थिक सहयोग गरिएको छ ।‌

एसएस फाउन्डेशनले पहिरोमा परी ज्यान गुमाएका तथा घाइते भएका परिवारलाई एक लाख रुपैयाँ प्रदान गरेको हो । पहिरोपीडित यज्ञ थामीका छोरा तोकबहादुर थामीलाई आइतबार रकम वितरण गरिएको फाउन्डेसनले जनाएको छ। राष्ट्रिय प्रजातन्त्र पार्टीका अध्यक्ष राजेन्द्र लिङ्देन, राप्रपा का नेता सुन्दर खड्का,फाउन्डेसनका अध्यक्ष मदनदास श्रेष्ठ , समाजसेवी सोभीत उप्रेति उप्रेति सहितको टोलीले सेन्टरमा पुगेर रकम हस्तान्तरण गरेका हुन् । पहिरो पीडित परिवारलाई राहत पुगोस् भनेर सहयोग गरिएको अध्यक्ष श्रेष्ठले बताए। पहिरोमा यज्ञको नातीको मृत्यु भएको थियो भने उनीसहित श्रीमती धनकुमारी र बुहारी सरिता गम्भीर घाइते भएका थिए । हाल काठमाडौँको यज्ञको मनमोहन कार्डियोथोरासिस भास्कुलर तथा ट्रान्सप्लान्ट सेन्टर र श्रीमती तथा बुहारीको ट्रमा सेन्टरमा उपचार भइरहेको छ । उपचारका लागि आर्थिक अभाव भएपछि फाउन्डेसनले सहयोग गरेको जनाएको छ।