गौरीशंकर पहिरो अपडेट: १५ महिने बालकसहित २ जनाको शव फेला ! अझै २ जना बेपत्ता

गौरीशंकर पहिरो अपडेट: १५ महिने बालकसहित २ जनाको शव फेला, अझै २ जना बेपत्ता

राजकुमार भुजेल (निर)
दोलखा १९ साउन। दोलखाको गौरीशंकर गाउँपालिका–७ मार्वुको टोपाटारमा पहिरोमा पुरिएर बेपत्ता भएका थप एक महिलाको शव फेला परेको छ । गएराति परेको भिषण बर्षाका कारण पहिरो जादा बेपत्ता भएका ४ जना मध्ये विहान एक बालकोे र हाल एक महिलाको शव फेला परेको हो । आज विहान टोपबहादुर थामीको १५ महिने बालक प्रिन्स थामीको शव फेला पारेको थियो भने अहिले देवि माया मगरको शव फेला परको दोलखाका प्रहरी प्रमुख, प्रहरी उपरिक्षक दिपक खडकाले जानकारी दिनुभयो । उहाँका अनुसार बेपत्ता भएका थप २ जनाको खोजी भैरहेको छ । बेपत्ता हुनेमा गौरीशंकर गाउँपालिका–७ मार्वु टोपाटारका कृष्ण मगर र हरिलाल श्रेष्ठ रहेका छन । उनीहरूको हाल नेपाली सेना,जनपद,सशस्त्र प्रहरीको टोलीले खोजी गरिरहेको छ । पहिरोमा परी तीन जना गम्भीर घाईते भएका छन । स्थानीय यज्ञ थामी, उनकी श्रीमती धनकुमारी थामी र बुहारी सिता थामी गम्भीर घाईते भएका हुन । उनीहरु लाई हेलिकप्टरबाट उद्धारा गरी २ जनाको काठमाण्डौको केएमसी अस्पतालमा उपचार भैरहेको छ । गए राति परेको वर्षाले गौरीशंकर गाउँपालिका वडा नम्बर ७ र ८ मा ३२ वटा भन्दा बढी घरमा क्षति गरेको छ । पहिरोले विद्युतका पोलहरू बगाएको छ भने ग्रामीण सडक अवरुद्ध पारेको छ । विद्युतका पोलहरु बगाएको कारण वडाहरु तथा प्रहरीहरुमा हाल सम्पर्क हुन सकेको छैन ।
त्यसैगरी टोपाटार परी गौरीशंकर गाउँपालिका– ८ खारेको सल्लेमा २ घर पहिरोले पुरेको छ भने २० भन्दा बढी घर पहिरोको जोखिममा भएपछि स्थानीयले घर छोडेका छन । केही चौपाया पहिरोमा पुरिएको गौरीशंकर–८ का वडा अध्यक्ष दावा शेर्पाले जानकारी दिनुभयो । सल्ले पुग्ने घट्टेखोलाको झोलुङ्गे पुलमा समेत बाढीले क्षति पुगेको छ। घटना स्थल सदरमुकाम चरिकोटबाट करिब ५५ किलोमिटर उत्तरमा पर्दछ ।