अपर तामाकोशीको शतप्रतिशत हकप्रद निष्कासन प्रक्रिया कहाँ पुग्यो ?

1. अपर तामाकोशीको शतप्रतिशत हकप्रद निष्कासन प्रक्रिया कहाँ पुग्यो ?

दोलखा १३ असार । अपर तामाकोशी हाइड्रोपावरको शतप्रतिशत हकप्रद सेयर निष्कासन प्रक्रिया अघि बढेको छ ।
यसको लागि बिक्री प्रबन्धक सनराइज क्यापिटलले तयारी गरीरहेको छ । सनराइज क्यापिटलका सीइओ विजयलाल श्रेष्ठले अपर तामाकोशीको हकप्रदमा साउन अन्तिम साताभित्र बुक क्लोज गर्ने तयारी गरेको नेपाली पैसालाई बताए । उनले भने, ‘सायद हकप्रद भर्न भदौबाट सुरु हुन्छ होला । त्यही अनुसार साउन अन्तिममा बुक क्लोज गर्ने आफूहरुले तयारी गरेको बताए । नेपाल धितोपत्र बोर्डले गत असार २४ गते अपर तामाकोशीलाई १००% अर्थात् १ बराबर १ अनुपातमा १० करोड ५९ लाख कित्ता हकप्रद जारी गर्न अनुमति दिइसकेको छ । हाल यस कम्पनीको चुक्ता पुँजी १० अर्ब ५९ करोड रुपैयाँ रहेको छ । हकप्रद सेयर जारी भएपछि यस कम्पनीको चुक्ता पुँजी २१ अर्ब १८ करोड रुपैयाँ पुग्नेछ । यस कम्पनीले २२ मेगावाटको रोल्वालिङ खोला निर्माण गर्न हकप्रद सेयर मार्फत पुँजी संकलन गर्न लागेको हो । हकप्रद सेयरका लागि कम्पनीले नागरिक लगानी कोष र सनराइज क्यापिटललाई बिक्री प्रबन्धक नियुक्त गरीसकेको छ ।यता, सनराइज क्यापिटलले सेयर डिम्याट गर्न बाँकी रहेका लगानीकर्तालाई सेयर अभौतिकीकरण गर्न पनि अनुरोध गरेको छ । आइपीओ मार्फत सेयर हात पारेका दोलखा जिल्लाका स्थानीले यस सनराइज क्यापिटलको वेबसाइट https://www.sunrisecapital.com.np/upper-Tamakoshi-Local-IPO-BOID-Update मार्फत आफ्नो व्यक्तिगत विवरण भरी सेयर अभौतिकीकरण गर्न सक्नेछन् । साथै, यस क्यापिटमा उपस्थित भई फर्म भरेर पनि सेयर डिम्याट गर्न सकिन्छ ।