दाेलखामा नवौं अन्तर्राष्ट्रिय योग दिवस सभ्य र भब्य रूपमा मनाइयो

ईश्वर बिश्वकर्मा

दोलखा ६ जेष्ठ । दाेलखामा नवौं अन्तर्राष्ट्रिय योग दिवस मनाइएको छ ।
मानवताको लागि योग भन्ने मुल नाराका साथ याेगाभ्यास सहित साेको महत्त्व प्रचार गर्दै दिवस मनाइएको हाे ।
जिल्ला प्रशासन कार्यालय दोलखा, जिल्ला आयुर्वेद स्वास्थ्य केन्द्र, अन्तराष्ट्रिय योग दिवस जिल्ला स्तरीय समितिको आयोजनामा चरिकोटमा याेग दिवस मनाइएको छ ।
कार्यक्रममा कार्यक्रममा जिल्ला समन्वय समिती दोलखाका प्रमुख बर्जुराम घतानीले याेग शरीरलाई ताजा, स्फूर्ति र स्वस्थ राख्ने अस्त्र रहेको बताए । योगलाई संस्कृतिको रुपमा विकास र विस्तार गर्ने ध्येयलाई पूरा गर्न सबै लाग्नुपर्ने उनलेे उल्लेख्य गर्नुभयो ।
दोलखाका निमित्त प्रमुख जिल्ला अधिकारी औलख बहादुर आलेले स्वस्थ जीवन चाहनेले सन्तुलित खानपान सँगै योग, व्यायाम र ध्यानमा जोड दिनुपर्ने धारण व्यक्त गर्नुहुँदै
योगले शरीरबाट नकारात्मक चिन्तन हटेर जाने भइ मन र कर्म सकारात्मकतातर्फ उन्मुख हुने उहाँले प्रष्ट पार्नु भयो । जनताको स्वास्थ्य सुरक्षाको लागि सरकारले निशुल्क स्वास्थ्य उपचारको व्यबस्था गरेपनि आफ्नो स्वास्थ्यको लागि आम नागरिक सचेत हुनुपर्नेमा समेत जोड दिनुभयो ।