यातायात व्यवसायी वीच सहमती जुटेपछि सार्वजनिक यातायात सुचारु

राजकुमार भुजेल

दोलखा ५ असार । दोलखामा चारबुँदे सहमति भएपछि सार्वजनिक यातायात सञ्चालन भएको छ।

हिजो बिहानै देखि रोल्वालिङ यातायातले पुर्वअरनिको यातायात सञ्चालनमा निशेध गरेपछि दुवै तर्फका यातायातका साधन चलेका थिएन। तर आज जिल्ला प्रशासन कार्यालय दोलखामा भएको सर्वपक्षीय छलफलमा सहमति जुटेपछि यातायातका साधन संचालनमा आएका हुन् । काठमाडौं महानगरपालिका मेयर बालेन्द्र साहले असार १ गते देखि नयाँ बसपार्क गोङ्गबुबाट अनिवार्यरुपमा लामो तथा मध्यम दुरिका सार्वजनिक यातायात सञ्चालन गर्नुपर्ने नियम लगाएपछि रोल्वालिङ यातायातले नया बसपार्कमा काउन्टर खोलेर बसेको थियो । तर नयाँ बसपार्कबाट यातायात सञ्चालन व्यवाहारिक नभएको भन्दै पूर्व अरनिको यातायातले रोल्वालिङ यातायातको बसमा अवरोध गरेपछि विवाद उत्पन्न भएको थियो।

यस्तो छ चारबुँदे सहमति

१. पूर्व अरनिको यातायात प्रा. लि. र रोल्वालिङ यातायातका मजदुरहरुको वीच एक आपसमा भएको झडपमा भएका घाइते भएका जुन पक्षले घटना घटाएर घाइते बनाएको हो उही पक्षले उपचार गर्ने व्यवस्था मिलाउने सोको एक अर्को पक्षले अस्वीकार गरेमा कानूनी कारवाहीको लागि आवश्यक प्रकृया अगाडी बढाउने ।

२. पूर्व अरनिको यातायात प्रा. लि. र रोल्वालिङ यातायात बीच विगतमा भएको समझदारीलाई हाल पनि कार्यान्वयन गर्ने ।

३. यो बैठक समापन पश्चात निर्वाद रुपमा दुवै समितिले यात्रुबाहक बस संचालन गर्ने यदी कोही कसैबाट अवरोध भइ घटना घटाएमा छानविन गरि आवश्यक कानूनी कारवाही अगाडी बढाउने सर्व सम्मत निर्णय
४. अरनिको यातायात प्रा.लि. र रोल्वालिङ यातायातबीच यि माथिका निर्णयहरुमा असहमति वा असमझदारि भएमा यतायत समितिबिच सहकार्य र सहमति गरि अगाडि बढ्ने निर्णय