साइबर अपराध र लागुऔषध विरुद्ध विद्यार्थीहरूलाई सचेतता

राजन बस्नेत

दाेलखा २४ जेष्ठ । सामाजिक सञ्जाल र अनलाइन अभ्यस्तता बढेसँगै बढेको साइबर अपराध र सहरिया युवाहरूमा बढ्दो लागु औषध दुर्व्यसनी अन्त्य गर्न जिल्ला युवा समिती दोलखाको आयोजना र जिल्ला प्रशासन कार्यलय दोलखाको सहकार्यमा साइबर अपराध र लागुऔषध विरुद्ध विद्यार्थीहरूलाई सचेतता कार्यक्रमको आयोजना भएको छ ।

साइबर क्राइमको विषयमा दाेलखा जिल्ला प्रहरी कार्यलय दोलखाका प्रहरी निरीक्षक धर्मेश कुमार यादव,र पशुपति चौलागाईं स्मृति अस्पतालका जनरल सर्जन डा. ज्ञानेश्वर श्रेष्ठले लागु औषध दुर्व्यसनीको बारेमा विद्यार्थीहरूलाई सचेतताना दिएको कार्यक्रका संयोजक तथा आयोजक जिल्ला युवा समिती दोलखा अध्यक्ष भरत कुमार श्रेष्ठले जानकारी दिनुभयो ।
साइबर क्राइम के हो, यसका कानुनि सजायहरू के छन्? दुर्ब्यशनीको समस्याको निराकरण के हो ? भन्ने बारेमा विद्यार्थीहरूलाई अभिमुखिकरण गरीएको अध्यक्ष श्रेष्ठले बताउनुभयो ।
उनले भने, ‘हेर्दा सामान्य लाग्ने तर साइबर क्राइम र लागु औषध दुर्व्यसनी जस्ता दीर्घकालीन असर गर्ने कुरामा युवाहरूलाई सचेत गराउने उद्देश्यले गरिएको जिल्ला युवा समिती दोलखा अध्यक्ष श्रेष्ठले जानकारी दिनुभयो ।

कार्यक्रममा जिल्ला समन्वय समिति दोलखा प्रमुख बर्जुराम घतानी, जिल्ला प्रशासन कार्यालय दाेलखाका प्रमुख जिल्ला अधिकारी कोमल प्रसाद धमला , तारादल गणका प्र.से.गणपती संजिव सिंह सिजापती , सशस्त्र प्रहरी वल नेपाल १८ नम्बर गुल्ल्का सशस्त्र प्रहरी नायब उपरीक्षक सुरज कुमार र्कार्कि, राष्ट्रिय अनुसन्धान जिल्ला कार्यलयका प्रमुख अनुसन्धान अधिकृत अरुन कार्की, जिल्ला प्रहरी कार्यलय दोलखाका प्रहरी निरीक्षक धर्मेश कुमार यादव, शिक्षक विद्यार्थीहरू सहभागी भएका थिए ।
दोलखाको सदरमुकाम चरिकोटमा आयोजित समारोहमा कालिन्चाेक मा. वि का २५३ विद्यार्थीहरूको सहभागिता रहेको थियो ।