दोलखाको चर्णावती धाममा आज बाट महायज्ञको सुभराम्भ

राजन बस्नेत

दोलखा ७ जेष्ठ । चर्णावतीधाममा एक समारोहका बीच महायज्ञको शुभारम्भ गरीएको छ ।
दोलखाको शैलुङ गाउँपालिका वडा नम्बर ७ फस्कुस्थित चर्णावती धाममा जेष्ठ नागरिक सेवा केन्द्र सञ्चालनार्थ आयोजना गर्न लागिएको श्रीमद् देवीभागवत महापुराण नवाह ज्ञान महायज्ञ तथा धार्मिक अनुष्ठान कार्यक्रमको आज भएको समारोहमा महायज्ञको शुभारम्भ तथा उद्घाटन नेपाल प्रज्ञा प्रतिस्ठानका पुर्ब कुलपति बरिस्ठ सस्कृत बिद प्रा.डा जगमान
गुरुङ र संस्कृतविद विदुषी वाचन प्रा.डा .कान्ता भट्टराईले संयुक्त रूपमा गर्नुभएको वडा अध्यक्ष सुजन खड्काले जानकारी दिनु भयो ।
आज बाट सुरु भएको महायज्ञ जेठ १५ गतेसम्म सञ्चालन हुने चर्णावती त्रिवेणी विकास तथा प्रबर्द्धन संघ दोलखाका अध्यक्ष गुण बहादुर बुढाथोकीले बताउनुभयो ।
आयोजक समितिका संयोजक बरिष्ठ कलाकार मदनदास श्रेष्ठको सभापतित्वमा सम्पन्न महायज्ञ प्रारम्भ कार्यक्रममा संस्कृतविद् जगमान गुरुङ, पूर्व मन्त्री आनन्दप्रसाद पोखरेल, पार्वत गुरुङ, बागमति प्रदेश सांसद भरत बहादुर केसी, प्राध्यापक डाक्टर कान्ता भट्टराई, एमाले दोलखाका अध्यक्ष नरबहादुर श्रेष्ठ, कांग्रेस नेता ताराबहादुर कोईराला, समाजसेवी शोभित उप्रेती, एमाले नेता बालकृष्ण शिवाकोटी, मेलुङ गाँउपालिका अध्यक्ष हिरा कुमार थोकर, शैलुङ गाँउपालिका अध्यक्ष रिमालबाबु श्रेष्ठ, प्रमुख जिल्ला अधिकारी कोमल प्रसाद धमला लगायतले मन्तव्य व्यक्त गर्नु भएको थियो ।