शुशिला शर्मालाइ विष्णुलक्ष्मी तुलसीमाया साहित्यिक पुरस्कार

विष्णुलक्ष्मी तुलसीमाया साहित्यिक पुरस्कार २०८१ साहित्यकार शुशिला शर्मा न्यौपानेलाई प्रदान गरिएको छ । विष्णुलक्ष्मी साहित्यिक पुरस्कार समिति दोलखाले स्थापना गरेको यो पुरस्कारबाट साहित्यकार शर्मालाई दश हजार राशिसहित सम्मान पत्रले पुरस्कृत गरिएको हो ।
विष्णुलक्ष्मी साहित्यिक पुरस्कार समितिले वार्षिक रुपमा कला साहित्य र संस्कृतिको क्षेत्रमा कलम चलाउने एक जना स्रष्टालाई पुरस्कृत गर्दै आएको छ । समितिले २०६७ सालदेखि निरन्तर रुपमा एक जना स्रष्टालाई नगदसहित पुरस्कृत गर्दै आएको विष्णुलक्ष्मी साहित्यिक पुरस्कार समितिका संरक्षक चिरञ्जीवी मास्केले बताउनु भयो ।
साहित्यकार तथा पत्रकार चिरञ्जीवी मास्केले जन्म दिने र कर्म दिने दुवैआमाहरुको नाममा साहित्य पुरस्कार स्थापना गरेको पुरस्कार यो वर्ष उपन्यास,नाटक,कथा र कविताका क्षेत्रमा कलम चलाउँदै आउनु भएकी साहित्यकार शर्मालाई प्रदान गरिएको हो ।

साहित्यिक पुरस्कार वितरणको साथै विष्णुलक्ष्मी साहित्यिक पुरस्कार समिति दोलखाको १३ औं वार्षिक साधारण सभा पनि सम्पन्न भएको छ । समितिले वार्षिक साधारण सभाको अवसरमा प्रदेय नामक साहित्यिक स्मारिका पनि सार्वजनिक गरेको छ । भीमेश्वर नगरपालिकाका मेयर इश्वर नारायण मानन्धरको प्रमुख आतिथ्यतामा भएको कार्यक्रममा मेलुङ गाउँपालिकाका अध्यक्ष हिरा कुमार थोकर,भानुविद्यापती साहित्य पुरस्कार समितिका अध्यक्ष शंङ्करलाल श्रेष्ठ,नेपाल बार एसोेसियसनका अध्यक्ष कृष्ण बस्नेत,नेपाल पत्रकार महासंघ दोलखाका सचिव सुजन कापले,पूर्व अध्यक्ष दीपशङ्कर चौलागाईँ लगायतले शुभकामना मन्तव्य व्यक्त गर्नुभएको थियो ।

पुरस्कार वितरण तथा प्रदेय सार्वजनिक कार्यक्रम विष्णुलक्ष्मी साहित्यिक पुरस्कार समितिका अध्यक्ष विष्णुलक्ष्मी साहित्यिक पुरस्कार समितिका अध्यक्ष विष्णु सुवेदीको अध्यक्षतामा सम्पन्न भएको थियो ।