कालिन्चोक गाउपालिका केन्द्र कुविन्डेमा तोकिएको भोलिपल्ट कार्यालय कक्षाको कुर्चि तोडियो

राजकुमार भुजेल (निर)

दोलखा २४ साउन। कालिञ्चोक गाउँपालिकाको स्थायी केन्द्र वडा नम्बर ४ को कुविन्डे बनाउने प्रस्ताव पारित भएकै भोलिपल्ट कार्यालय कक्षाको कुर्चि तोडफोड गरिएको छ।
सोमबार पालीकाको स्थायी केन्द्र वडा नम्बर ४ को कुभिन्डे बनाउने प्रस्ताव पारित भएपनि आज वडा नम्बर ५ का वडा अध्यक्ष सहदेव खड्काले गाउँपालिकाका कार्यकारी अधिकृत नवराज ओलीको कार्यकक्षको महत्वपूर्ण सामानहरू तोडफोड गरेको पाइएको हो।

उक्त कार्यकक्षा भित्रको टेबल ,कुर्चि, वाइफाइ,सोफा लगाएतका सामाग्रीहुरु तोडफोड भएको छ। उनी पालिकाको स्थायी केन्द्र तोक्न सोमबार भएको मतदानको पक्ष वा विपक्षमा नउभिई तटस्थ बसेका थिए ।
सोमबार बसेको गाउँसभामा गाउँपालिकाका अध्यक्ष अर्जुन प्रसाद शिवाकोटीले प्रस्ताव गर्नुभएको दोलखा–सिँगटी सडक खण्डमा पर्ने वडा नम्बर ४ को कुभिन्डे दुई तिहाई मतका साथ पारित भएको थियो । कार्यलयकक्षा तोडफोड भएपछि अहिले यस विषयमा सामाजिक सञ्जालमा चर्को आलोचना भइरहेको छ। उनलाई प्रहरीले नियन्त्रणमा लिएर अहिले नियन्त्रण मुक्त भएका छन् ।