जिल्ला स्तरीय खुल्ला वक्तृत्वकलामा प्रथम ढुङ्गेललाई प्रदेश स्तरको प्रतियोगितामा प्रतिस्पर्धा गर्ने अबसर

राजन बस्नेत

दोलखा १९ जेष्ठ । जिल्ला युवा समिति दोलखाको आयोजनामा आयोजित जिल्ला स्तरीय खुला वक्तृत्वकला प्रतियोगितामा सहिद स्मृति आवसिय मावि जिरीकी मेलिशा ढुङ्गेल प्रथम स्थान हात पार्न सफल भए सगै बागमती प्रदेश स्तरको प्रतियोगितामा समेत प्रतिस्पर्धा गर्न दोलखा बाट प्रतिनिधित्व गर्ने भएकि छन् ।

युवा र नवपर्वतन शिर्षकमा आयोजना गरिएको प्रतियोगितामा सहिद स्मृति आवसिय मावि जिरीकी मेलिशा ढुङ्गेल प्रथम,पशुपति कन्या मन्दिर मावि चरिकोटको विपना नेपाली द्वितिय र मेलुङ गाँउपालिकाका सुदिप कुमार कार्की तृतिय स्थान प्राप्त गर्न सफल हुनुभएको जिल्ला युवा समिति दोलखाका अध्यक्ष भरत श्रेष्ठले जानकारी दिनुभयो ।
जिल्लाभरीका २० जनाको सहभागिता रहेको प्रतियोगीतामा विजयी प्रतियोगीहरुलाई जिल्ला समन्वय समिति दोलखाका प्रमुख बर्जुराम घतानीले क्रमशः १५ हजार, १० हजार र पाँच हजार नगद सहित प्रमाणपत्र प्रदान गर्नु भएको थियो ।

जिल्ला युवा समिति दोलखाका अध्यक्ष भरत कुमार श्रेष्ठको अध्यक्षतामा सम्पन्न कार्यक्रममा जिल्ला समन्वय समिति दोलखाका प्रमुख वर्जुराम घतानी, शिक्षा विकास तथा समन्वय इकाइ दोलखाका प्रमुख शङ्कर बाबु श्रेष्ठ, प्रेस काउन्सिल नेपालका बोर्ड सदस्य चिरञ्जीवी मास्के, नेपाल पत्रकार महासंघका केन्द्रीय सदस्य रमेश खतिवडा, कालिञ्चोक माविका प्रधानाध्यापक शम्भु गौतम, कालिञ्चोक गाँउपालिकाको शिक्षा शाखा प्रमुख रोशनी आचार्य, सर्व मावि जिलुको प्रधानाध्यापक विश्वमणी चौलागाई, भीम माविको नेपाली शिक्षक समिरा वस्नेत, भिम थापा लगायतको सहभागिता रहेको थियो ।