दोलखाको कालापानीमा इभी माइक्रो दुर्घटना १ को मृत्यु १४ जना घाइते

दोलखाको शैलुङको कालापानीमा इभि माइक्रो दुर्घटना हुँदा एक जनाको मृत्यु भएको छ भने १४ जना घाइते भएका छन । दुर्घटनामा गम्भीर घाईते भएका गोरखा जिल्लाका एकुमाया अर्यालको उपचारको क्रममा मृत्यु भएको दोलखा प्रहरिले जनाएको छ ।

गाउँपालिका–६ मा आज अपरान्ह करिब ४ः३० बजे अरनिको यातायात समितिको EV माइक्रो दुर्घटना भएको थियो।

बाग्मती प्रदेश ०१–००२ ज ६२०८ नम्बर माइक्रो दुर्घटना भएको थियो। गौरीशंकर गाउँपालिका–१, जुगुका ४५ वर्षीय गोकुल कार्कीले चलाएको सो माइक्रो अनियन्त्रित भई दुर्घटनामा परेको जिल्ला प्रहरी कार्यालय दोलखाका प्रहरी प्रमुख ज्ञान कुमार महतोले बताउनुभयो ।

माइक्रोमा १६ जना सवारमध्ये ८ जना महिला थिए । तीमध्ये ५ जनाको अवस्था मध्यम रहेको प्रहरुले जनाएको छ। । दुर्घटनामा ४ जना पुरुष पनि मध्यम चोटसहित घाइते भएको प्रहरीले जनाएको छ। । दुर्घटनामा चालक कार्की पनि घाइते भएका छन् ।

दुर्घटनापछि घाइतेहरूलाई स्थानीय र प्रहरीको सहयोगमा उद्धार गरि स्थानिय स्वास्थ्यचौकीमा उपचाररत रहेको प्रहरीले जनाएको छ । केही घाईतेहरुलाई सदावहार अस्पताल सिन्धुपाल्चोकको खाडिचौर पठाईएको प्रहरिले जनाएको छ।

दुर्घटनाको थप विवरण संकलन भइरहेको प्रहरीले जनाएको छ।