शैलुङमा ५८ जना मोतिया विन्दुका बिरामीहरुको नि:शुल्क अप्रेसन

शैलुङ गाउँपालिका वडा नम्बर ८ शैलुङमा ५८ जना मोतिया विन्दुका बिरामीहरुको नि:शुल्क अप्रेसन गरिएको छ ।

माट्रीका आँखा केन्द्र काठमाडौं को आयोजना र फाइटफर लाइफ नेपाल काठमाडौ ,केकोशिन कराते , गौरीशङ्कर लाइन्स क्लव काठमाण्डौं शेषमति लगायत लगायत सामाजिक सस्थाहरुको प्राविधिक -राविधिज्ञ सहयोग तथा समाजसेवी ,स्थानिय बासि सोभीत उप्रेतीको र वडा कार्यालय,शैलुङ्गेश्वर स्वास्थ्य चौकीको संयुक्त पहलमा नि:शुल्क स्वास्थ्य शिविरमा ५ सय ३० जनाले ऑखाको परिक्षण गराएको वडा नम्वर ८ का वडा अध्यक्ष धन बहादुर तमाङले बताउनुभयो ।
अध्यक्ष तामाङ्का अनुसार मोतिया बिन्दुको समस्या भएका ३३ जना पुरुष र २५ जना महिला गरी ५८ जनाको अप्रेसन गरिएको छ।

शिविरमा सहभागीहरुलाई आवश्यकका आधारमा चस्मा र औषधी समेत नि:शुल्क वितरण गरिएको फाइटफर लाईफ नेपाल काठमाण्डौका अध्यक्ष हेमा मानन्धरले जानकारी दिनुभयो ।आँखाको निशुल्क अप्रेसन गर्न पाउँदा ज्यादै खुसी लागेको उपचार गराउनुहुने स्थनियबासी बताउछन ।
शिविरको समाजसेवी सोवित उप्रेतीले व्यवस्थापन गर्नु भएको थियो ।
नेत्र रोग विषेशज्ञ डाक्टर कल्याण ढुङ्गानाको नेतृत्वमा ऑखा परिक्षण सहित अप्रेसन गरिएको हो।