सुपर ओभरमा नेपालको रोमाञ्चक जित

राजन बस्नेत

राजन बस्नेत

अमेरिकालाई सुपर ओभरमा हराउँदै नेपालले टी २० क्रिकेट सिरिजको उपाधि एक खेलअगावै जितेको छ।

ग्रान्ड प्रेरिमा आईतबार भएको रोमाञ्चक खेलमा नेपालले अमेरिकालाई सुपर ओभरमा पराजित गरेको हो।

सुपर ओभरमा ३ रनको लक्ष्य नेपालले चौथो बलमा पूरा गर्दै सिरिज २-० को अग्रताले जितेको हो।

नेपाल र अमेरिकाबीचको दोस्रो टी २० सुपर ओभरमा

सोमपाल कामीले २ विकेट लिइँदै अमेरिकालाई २ रनमा सिमित गरे। उनले शायान जाहांगीर र आरोन जोन्सलाई आउट गरे।

नेपालले दिएको १७१ रनको लक्ष्य पछ्याएको अमेरिकालाई जितका लागि अन्तिम बलमा जितको लागि २ रनको आवश्यकता हुँदा जसदीप सिंह रन आउट हुँदा खेल टाई भएको थियो।

शुक्रबार भएको पहिलो खेलमा नेपालले अमेरिकालाई १७ रनले हराएको थियो। अब नेपाल र अमेरिकाबीच ३ टी २० खेलको सिरिजको अन्तिम खेल सोमबार हुनेछ।

नेपालले दियो अमेरिकालाई १७१ रनको लक्ष्य, कुशलको ९२ रन

प्रधानमन्त्रीको निर्देशनपछि कुलमानले दिए राजीनामा