स्लो बाइक रेस प्रतियोगिताको उपाधि काजी लामाको पोल्टामा

चैत ११ दोलखा ।सरल नेपाल दोलखा र चरिकोट युव क्लबको आयोजनामा चरिकोटमा होली फेस्ट २०८० कार्यक्रम सम्पन्न भएको छ ।

होलीको अवसरमा सदरमुकाम चरिकोट सातदोबाटोमा स्लो बाइक रेस सिजन ३ पनि यस वर्षको होलीमा सम्पन्न भएको छ ।

स्लो बाइक रेस प्रतियोगितामा सहभागी ३६ जना मध्ये काजी लामा प्रथम, जेम्स शेर्पाले दोश्रो, अन्जन जोशी तेश्रो र जीवन जोशीले सान्त्वना स्थान हासिल गरेका छन ।विजयी खेलाडीलाई नगद रु १० हजार, ७ हजार ५ सय , ५ हजार र २ हजार ५ सय नगद, ट्रफी र प्रमाण पत्र प्राप्त गरेको सरल नेपाल दोलखाका अध्यक्ष सौगात थापाले जानकारी दिए ।

३६ जना प्रतिस्पर्धि सहभागी प्रतियोगितामा ढिलो बाइक कुदाउने लाई विजयी घोषणा गरिएको हो।दुईवटा संस्थाले अघिल्ला वर्षहरुमा पनि यस्तै मनोरञ्जनात्मक कार्यक्रम आयोजना गर्दै आएका छन्।
स्लो बाइक रेस संगै संस्थाले होलि विशेष साँस्कृतिक कार्यक्रम,खुल्ला डान्स समेत प्रस्तुत गरेको थियो कार्यक्रम सन्चालक बिस्णु सिवाकोटीले बताए ।

कार्यक्रम भिमेश्वर नगरपालिका मेयर इश्वर नारायण मानन्धरको प्रमुख आतिथ्यतामा सम्पन्न सरल नेपाल दोलखाका अध्यक्ष्य सौगात थापा र चरिकोट युवा क्लबका उपाध्यक्ष किरण घिसिङको सयुक्त अध्यक्षतामा कार्यक्रम सम्पन्न गरिएको थियो।