नेपाल तरुण दलका केन्द्रीय सदस्य राकेश श्रेष्ठको विशेष पहलमा दैनिक उपभोग्य सामाग्री बितरण

दोलखा २८ असार । पूर्वप्रधानमन्त्री स्वर्गीय गिरिजाप्रसाद कोइरालाको १०० औँ जन्मजयन्तीको अवसरमा शारीरिक अशक्त भएका व्यक्तिहरु र अभिभावकविहीन बालबालिकाहरुलाई खेलकुद तथा शैक्षिक सामाग्री वितरण गरिएको छ ।

जन्मजयन्तीको अवसरमा नेपाल तरुण दलका केन्द्रीय सदस्य एवं जिपी कोइराला फाउन्डेशन दोलखाका अध्यक्ष राकेश श्रेष्ठको विशेष पहलमा समाजसेवी शारदा उप्रेती घिमिरेको विशेष सहयोगमा शारीरिक अशक्त भएका ३० जनालाई प्रतिव्यक्ति १ थान इलेक्ट्रिक जग १ थान थर्मस, वितरण गर्नुका साथै गौरीशङ्कर बालगृहका २२ जना विद्यार्थीहरुलाई इलेक्ट्रिक जग तथा थर्मस, शैक्षिक सामाग्री र आमाको मायाको छात्रावासका ९ जना विद्यार्थीलाई ईलेकट्रिक जग थर्मस, शैक्षिक तथा खेलकुदका सामग्रीहरू वितरण गरिएको हो ।

कार्यक्रम नेपाली कांग्रेस दोलखाका सभापति बर्मा लामाको प्रमुख आतिथ्यतामा, पत्रकार माहासंघ दोलखाका अध्यक्ष दिपशंकर चौलागाईं, पत्रकार चिरञ्जिवी मास्के , बैतेश्वर गाउपालिका उपमेयर कल्पना उप्रेती , नेपाली कांग्रेस दोलखाको माहाधिवेशन प्रतिनिधि गीता शिवाकोटी र नेपाली कांग्रेस जिल्ला कार्य समिति सदस्य राजन बस्नेत, विपी स्टडी सर्कल दोलखाका अध्यक्ष राजेश उप्रेती, नेपाली कांग्रेसका जिल्ला कार्यसमितिका आमन्त्रित सदस्य सकुन बस्नेत, कृष्ण कुमारी जोशी लगायतको विशेष उपस्थितिमा र जिपी कोइराला फाउण्डेशन दोलखाको अध्यक्ष एबं नेपाल तरुणदल केन्द्रीय सदस्य राकेश श्रेष्ठको सापतित्वमा कार्यक्रम सम्पन्न भयो ।