गौरीशंकरमा खस्यो ७ हजार ५ सय ७९ मत : कस्ले मार्ला बाजी

दोलखास्थित गौरीशंकर गाउँपालिकाको उपाध्यक्षको मतगणना आज (आइतबार) सुरु नहुने भएको छ ।
९ नम्बर वडाको मतमेटिका गणनास्थल ल्याउन ढिला हुने भएकोले आज नै मतगणना गर्ने सम्भावना नरहेको हो ।

९ नम्बर वडा बेदुङबाट मतपत्र संकलन गर्न आज सम्भव नहुने भएकाले सोमबारबाट गणना हुने मतदान अधिकृत धर्मराज तामाङले साझा दृष्टी अनलाइन लाइ जानकारी दिए । ‘त्यहाँको मतदान सकेर आज नहिंड्ने कुरा रहेछ । त्यहाँ पुग्न हिंडेर दुई दिन लाग्ने रहेछ,’ तामाङले भने,‘हेलिकोप्टरले ल्याउने तयारी छैन । हिंडेर मतपत्र ल्याउँदा त ढिलै हुन्छ ।’ गौरीशंकरमा दुई मतदान केन्द्र छन् ।

कुल मतदाता १५ हजार ७ सय १८ ,मतदान स्थल १२ मतदान केन्द्र २१ रहेको स्थानीय तहको उपनिर्वाचन अन्तर्गत दोलखाको गौरीशंकर गाउँपालिकामा प्रमुख दलका उम्मेदवारहरु वीच नै कडा प्रतिस्पर्धा हुने देखिएको छ ।

गौरीशंकरको उपाध्यक्षका लागि दलगत र स्वतन्त्र गरी १६ जनाको मनोनयन दर्ता भएको छ ।
कांग्रेसबाट पासदिकी तामाङ शेर्पा, एमालेबाट उमा मगर शेर्पा, माओवादी केन्द्रबाट निमलेकी शेर्पा, राष्ट्रिय स्वतन्त्र पार्टी (रास्वपा) बाट गोमा श्रेष्ठ, नेकपा एकीकृत समाजवादीबाट रविना खड्का, राष्ट्रिय प्रजातन्त्र पार्टी (राप्रपा) बाट मनकुमारी श्रेष्ठ र जनता समाजवादी पार्टी (जसपा) बाट सपना कार्की खड्का उम्मेदवार छन् ।
त्यस्तै, स्वतन्त्रबाट अप्सरा विश्वकर्मा, अम्बिका श्रेष्ठ, दीपक तामाङ, दिलबहादुर बस्नेत, द्वारिका बुढाथोकी, पुष्पा कार्की, मधुरा कार्की, शिव शम्भु तामाङ र सर्कीमा शेर्पा उम्मेदवार छन् ।

गौरीशंकर गाउपालिकाको निर्वाचनमा कुल मतदाताको ४८. २८ प्रतिशत मत खसेको छ ।

मतदान विहान ७ बजेदेखि सुरु भएकोमा हालसम्म ७ हजार ५ सय ७९ मत खसेको हो ।
कुन वडामा कति मत ?

वडा नं १- ७९२

वडा नं २- ७७४

वडा नं ३- ८७१

वडा नं ४ – ९१७

वडा नं ५ – १६८४

वडा नं ६- ६४८

वडा नं ७ -७८४

वडा नं ८- ८०२

वडा न ९- ५०७