हल्कारा चलचित्रमा नेताहरुको प्रतिक्रिया : ‘नेपालको वास्तविक अवस्थालाई यथार्थतामा उतारेको छ’

नेकपा एमालेका उपमहासचिव प्रदीप ज्ञवालीले चलचित्र हल्काराले अहिलेको नेपालको पीडिदायी अवस्थालाई यथार्थतामा उतारेको बताएका छन् । बुधवार काठमाडौंमा चलचित्रको प्रिमियर शोपछि सिने पत्रकारहरुसँगको कुराकानीमा उनले वैदेशिक यात्रामा जाने नेपालीहरु र उनीहरुले भोग्ने पीडा साथै गाउँमा परिवारले पाएको दुःखलाई चलचित्रमा राम्रो ढंगबाट देखाइएको बताएका हुन् ।

उनले रोजगारीका लागि विदेश जानेहरुको संवेदनालाई चलचित्रमा उतारिएको उल्लेख गरे । उनले वैदेशिक रोजगारीमा जाँदा चुकाइरहेको पारिवारिक मूल्यको उजागर चलचित्रमा उतारिएको बताए । उनले वैदेशिक रोजगारीमा जाँदा परिवारमा उत्पन्न समस्यालाई यथार्थमा उतारिएको बताए । उनले आजको पुस्ताले हिजोको नेपाली समाजबारे जान्नका लागि यो चलचित्र हेर्नैपर्ने बताए । उनले देशभित्र रोजगारीको अवस्था सिर्जना गर्नुपर्ने र नसके वैदेशिक रोजगारीलाई मर्यादित र व्यवस्थित बनाउन जरुरी रहेको बताए ।

चलचित्र हेरिसकेपछि बोल्दै नेकपा एमाले सांसद रघुजी पन्तले हत्याराको कथा पहाडको कथा भएको बताए । उनले सिनेमामा वैदेशिक रोजगारीको बिडम्वना र त्इसबाट उत्पन्न सामाजिक र मानसिक समस्याहरु देखाइएको बताए । गाउँबाट रोजगारीका लागि शहर पस्ता उत्पन्न हुने समस्या सिनेमामा उतारिएको बताए ।

चलचित्र हेरिसकेपछि कुरा गर्दै राष्ट्रिय प्रजातन्त्र पार्टीका प्रमुख सचेतकक ज्ञानबहादुर शाहीले कथाले नेपाली वर्तमान वैदेशिक रोजगारीको समस्यालाई उजागर गरेको उल्लेख गरे । उनले चलचित्रले समाजमा भइरहेको रोजगारीबाट उत्पन्न समस्यालाई देखाइएकाके बताए । उनले बेरोजगारीको वास्तविकता चलचित्रमा उतारिएको बताए । त्यस्तै कलाकार शारदा गिरीले आफूले यस चलचित्रमा फरक अभिनय गरेको बताए ।