जेष्ठ नागरिक सेवा केन्द्र सञ्चालका लागी ११ लाख सहयोग गर्ने काङ्ग्रेस नेता प्रभुराम श्रेष्ठको घोषणा

राजन बस्नेत

दोलखा १० जेष्ठ । नेपाली कांग्रेस दोलखाको युवा नेता, महादिबेशन प्रतिनिधि ने.का विपद व्यवस्थापन आर्थिक समिति दोलखाको अध्यक्ष एबम समाजसेवी, तथा उधोगपति प्रभु राम श्रेष्ठले जेष्ठ नागरिक सेवा केन्द्र सञ्चालका लागी ११ लाख रुपैयाँ सहयोग गर्ने घोषणा गर्नुभएको छ ।

दोलखाको शैलुङ गाउँपालिका वडा नम्बर ७ फस्कुस्थित चर्णावती धाममा जेष्ठ नागरिक सेवा केन्द्र सञ्चालनार्थ आयोजना गर्न लागिएको श्रीमद् देवीभागवत महापुराण नवाह ज्ञान महायज्ञ तथा धार्मिक अनुष्ठान कार्यक्रम चलिरहदा अक्षरुपि रु एघार लाख रुपैया सहयोग गर्ने र सो रकम केही दिनमा नै हस्तान्तरण कार्यक्रम तय भएको र रकम सहि ठाउँमा सदुपयोग होस् भन्ने आफुले चाहेको काङ्ग्रेस नेता श्रेष्ठले साझा दृस्टी अनलाइनलाई जानकारी दिनुभयो ।
बरिस्ठ समाजसेवी श्रेष्ठले यस भन्दा अघि पनि प्राकृति प्रकोपमा परेका ,दीर्घारोगी,गरीब ,बिपन्न,असाहय,दिन दुखीहरुलाइ निरन्तर सहयोग गर्दै आइरहनु भएको छ ।